Catalogue description G. DE PRUNINCQ to LORD WILLOUGHBY.

--"Le temps ne me permet d'escrire a V. III: seigneurie le dangereux estat auquel ceste place se retrouve, et quelle tristesse il y a parmy ceux de la religion, a cause que la royne ayant escrit a Monsieur le Comte de me continuer en l'estat de borgemaistre, il semble refuser de la faire, et moy en difficulté d'y consentir. J'y prevoy plus grand desastre que je ne scauroye exprimer, et m'est advis a tout ce que je puis comprendre que ceste ville se perdra. Sa Majesté m'en devra tenir pour excusé, car de servir aux ingrats et m'y moyenner la voye par force d'armes ou effusion de sang, cela me semble desraisonnable, si est-ce que le Comte ne fera rien de ce que sa Majesté desire, ores que j'y consentisse. L'on m'advertit qu'il auroit determiné, pour se faire maistre sans contradiction, de saisir par la teste quelques-uns des principaux. Si cela vient a estre descouvert plus avant, et que quelque mal la dessus y adviegne, cest a luy qu'on en donnera la faute. Je vous supplie, Monseigneur, d'y penser, et nous tenir pour excusez, si nous n'envoyons point la compagnie de Champernon sur les dernieres de vostre Seigneurie." Noted "Sept. 29, N.S."