Catalogue description LORD WYLLUGHBY to COUNT MAURICE.

--"J'ay receu la vostre du xx du mois precedent, laquelle combien que l'ayez signé et cachetté si estee toutefois que je n'estime que le contenu procede de vostre naturel et bonne nourriture. Car quand a ma promesse au regard de la ville de Gheertrudenberghe, de laquelle vous faictes mention, je puis dire de l'avoir accompli selon mon pouvoir, comme bien particulierement j'ay faict entendre a Messieurs les Estats Generaulx par certain mien escript que leur ay delibvré devant mon partement de la Haye, auquel escript et raisons y contenues je me refere, voulant neantmoins bien adjouster pour vostre plus entier contentement que le pouvoir que jay eu a esté vostre, veu que les soldats de ladite garnison vous ont tous presté le serment, ayant mon frere receu sa commission et authorité de vostre part, et non de moy, quy n'ay esté jamais maistre de ladite ville, ains seulement une tierce personne interposé a vostre instance et contre mon gré, pour par composition appaiser l'alteration y survenue. Que si ladite composition n'a esté faicte plus a l'advantage desdits Estats pour leur argent, ils peuvent imputer cela a eux mesmes, et non a moy, auquel a esté impossible de proceder contre ladite composition, par laquelle et suivant laquelle on avoit laissé les forces et la gouvernement a ladite garnison, y joincte que c'eusse esté une chose deraisonnable de contrevenir a tant de vos signatures et promesses desdits Estats, comme on peut juger par les desseings qu'on a pretendu effectuer. Par ou vous voyez, Monsieur, que tous ceux qui vous m'ont en teste de m'admonester de ceste promesse, et d'embrasser les extremitez depuis ensuivies, vous ont tres mal conseillé, car quand est de moy, m'estant tousjours contenté de la charge que j'ay de Madame ma maistresse sans pretendre aultre degré, je me suis tousjours comporté autant honorablement en vostre endroict qu'il m'at esté possible, comme suis desireux de faire a l'advenir, me rapportant en cela a vostre conscience, a Monsieur de Sousvelt et a Monsieur de Villers par ou mes mesvueillants n'ont occasion de blamer mon honneur, lequel je defendray tousjours a l'espee toutes et quantefois que les occasions se pourront presenter. Vous priant cependant de maintenir et caresser par faveur et amitie tous ceux qui vous ont donné si bon advis et conseil comme devant Dieu et le monde je puis assevrer d'avoir faict. Two copies, 1 p. Noted as sent also to Geertrudenberghe.