# Achrediad Gwasanaethau Archifau – Y Safon

Achrediad Gwasanaethau Archifau yw safon y Deyrnas Unedig i wasanaethau
archifau. Mae’r safon yn diffinio arfer dda ac yn dynodi safonau cytunedig a,
thrwy hynny, yn annog ac yn cefnogi datblygiad.

   ![Close-up of a single page document. The page contains ornate latin script, an illuminated border and an illuminated capital letter, typical of the medieval era.](https://www.nationalarchives.gov.uk/media/images/MuseumofEnglishRura_lut4dFz.2e16d0ba.fill-1800x720.format-jpeg.jpegquality-60.bgcolor-fff.jpg) 

About this image 

Illuminated document from the Museum of English Rural Life.

 

## Contents

* [Strwythur](#heading-strwythur-316da2ec-0820-40e0-9690-e3ed89c39c52)
* [Adran 1: Iechyd Sefydliadol](#heading-adran-1-iechyd-sefydliadol-e94d7973-0ef3-4d99-8718-7745ecbe904d)
  + [1.1 Cenhadaeth a Gwerthoedd](#heading-11-cenhadaeth-a-gwerthoedd-69bee33b-d3bf-4f37-9e85-a509ff237752)
    - [Gofyniad 1.1](#heading-gofyniad-11-7750b9a4-51e6-4802-8a4a-ee2caaa6ad6c)
    - [Canlyniad](#heading-canlyniad-f17df04d-4496-4484-89c7-bcab0145d316)
  + [1.2 Strwythurau Llywodraethu a Rheoli](#heading-12-strwythurau-llywodraethu-a-rheoli-2df80a89-8c4b-4413-a136-79205b211e70)
    - [Gofyniad 1.2](#heading-gofyniad-12-b7092f97-52b6-4ebe-acd0-2e5d1fda4d2f)
    - [Canlyniad](#heading-canlyniad-be5ff313-b8be-414c-ad92-571feef9599c)
  + [1.3 Blaengynllunio](#heading-13-blaengynllunio-c8a2a7cc-6e91-4f03-801d-52876ae6e0aa)
    - [Gofyniad 1.3](#heading-gofyniad-13-13e7080c-246c-4b34-9ae1-ff8036f90d30)
    - [Canlyniad](#heading-canlyniad-87c86393-a971-4568-bd0a-e0b395005fcc)
  + [1.4 Adnoddau: Lle a storfeydd](#heading-14-adnoddau-lle-a-storfeydd-2ee201e4-b956-4dc6-bb86-e7c8750d8009)
    - [Gofyniad 1.4](#heading-gofyniad-14-587e2b39-77f7-44f7-b0e3-a4fad9266486)
    - [Canlyniad](#heading-canlyniad-19909d3b-40bd-4842-936e-9aed8a5b3cfa)
  + [1.5 Adnoddau: cyllid](#heading-15-adnoddau-cyllid-81c5bd28-709c-406a-a90e-ef8cf0a5ed6d)
    - [Gofyniad 1.5](#heading-gofyniad-15-54b2d99d-7d13-4110-a02a-f2c806829a25)
    - [Canlyniad](#heading-canlyniad-cd9150dd-6a7a-48ff-a70a-f252a8354bb4)
  + [1.6 Adnoddau: gweithlu](#heading-16-adnoddau-gweithlu-c55733c9-e29a-4d6d-9ced-d824d158835c)
    - [Gofyniad 1.6](#heading-gofyniad-16-86d20ec9-82d9-46bb-a729-56d2534dd4ff)
    - [Canlyniad](#heading-canlyniad-fb4efa2d-0095-475d-a86a-372d06737e05)
* [Adran 2: Casgliadau](#heading-adran-2-casgliadau-f8639454-5e18-49b8-9cd2-d3ec6cfdb9de)
  + [2.1 Rheoli Casgliadau](#heading-21-rheoli-casgliadau-a90c964e-9867-45ad-84ca-754f1e7c5d09)
    - [Gofyniad 2.1](#heading-gofyniad-21-3c5ffa3b-8fa0-4b79-bfda-f651bcef03df)
    - [Canlyniad](#heading-canlyniad-7e7569ff-102a-4feb-8f32-3f0f7fb817f7)
  + [2.2 Datblygu Casgliadau](#heading-22-datblygu-casgliadau-6d0b5729-c026-4c76-9d14-7f1e1e38123e)
    - [Gofyniad 2.2](#heading-gofyniad-22-891325a5-6cb0-4a07-b54f-7b3320ebb191)
    - [Canlyniad](#heading-canlyniad-45c44dc9-b615-4e09-8c7f-e5ecb423c54d)
    - [Gofyniad 2.2.1](#heading-gofyniad-221-eb95df1d-9e0c-4cbb-a072-6a6454c175bd)
    - [Gofyniad 2.2.2](#heading-gofyniad-222-dfc6ddd7-b533-42af-8823-f2451eff274a)
  + [2.3 Gwybodaeth am Gasgliadau](#heading-23-gwybodaeth-am-gasgliadau-5b9c52e9-912e-49a6-9606-a3c9ee82c3ea)
    - [Gofyniad 2.3](#heading-gofyniad-23-959f7de3-443b-4bfa-99e1-151a2119f84a)
    - [Canlyniad](#heading-canlyniad-f4bc30ac-6a8e-4e71-bd6c-c97e92badb34)
    - [Gofyniad 2.3.1](#heading-gofyniad-231-67e261ee-02ba-487f-a39d-42f5eb4f9f82)
    - [Gofyniad 2.3.2](#heading-gofyniad-232-0908ba4b-e31c-4d27-a7b0-b85e0969f4cd)
    - [Gofyniad 2.3.3](#heading-gofyniad-233-93548130-757a-498e-bbdb-d85c11c0c412)
  + [2.4 Gofal a Chadwraeth Casgliadau](#heading-24-gofal-a-chadwraeth-casgliadau-14c79568-59e4-4d5c-93ee-b037003fb053)
    - [Gofyniad 2.4](#heading-gofyniad-24-47d33919-b8d5-4031-914a-3e34d980d924)
    - [Canlyniad](#heading-canlyniad-66a14e14-c2a2-4d82-b7fd-cf25ce30943d)
    - [Gofyniad 2.4.1](#heading-gofyniad-241-d48287a1-a50b-4b88-9f8b-c1c9532fd3d9)
    - [Gofyniad 2.4.2](#heading-gofyniad-242-9ad5a157-a338-42dd-9ef6-af5957a664d8)
    - [Gofyniad 2.4.4](#heading-gofyniad-244-cdead97a-cfe1-4a62-9186-e46ac260a0a9)
* [Adran 3: Mynediad ac Ymgysylltiad](#heading-adran-3-mynediad-ac-ymgysylltiad-52191698-850a-4c4e-9c69-48ad8d9b7c5f)
  + [3.1 Polisïau Mynediad ac Ymgysylltu](#heading-31-polisiau-mynediad-ac-ymgysylltu-6484fbae-205e-4b61-bb10-86c422f35631)
    - [Gofyniad 3.1](#heading-gofyniad-31-9867308f-8b7a-4289-aa2a-b43a4b440ae1)
    - [Canlyniad](#heading-canlyniad-f79b57e7-6df0-4874-b5d7-4c693740f929)
  + [3.2 Cynllunio a Chynlluniau Mynediad ac Ymgysylltu](#heading-32-cynllunio-a-chynlluniau-mynediad-ac-ymgysylltu-8fb58a06-5c5d-485f-846b-36528bc10309)
    - [Gofyniad 3.2](#heading-gofyniad-32-1bff854f-906b-44bc-b254-f0a0185298df)
    - [Canlyniad](#heading-canlyniad-b7af8ba8-301b-48cc-93ad-58e5d55d37ab)
    - [Gofyniad 3.2.1](#heading-gofyniad-321-6f2df20f-c129-4e0e-9641-a24c1ff708f3)
    - [Gofyniad 3.2.2](#heading-gofyniad-322-52ae64e4-0304-4f15-b3b1-b52146dcb436)
  + [3.3 Gweithgareddau ynghylch Mynediad ac Ymgysylltu](#heading-33-gweithgareddau-ynghylch-mynediad-ac-ymgysylltu-a4b620d8-a3af-4a66-8af1-1a1647f72ed4)
    - [Gofyniad 3.3](#heading-gofyniad-33-7ff7d9b3-8f74-4406-9725-40b628d61fcf)
    - [Canlyniad](#heading-canlyniad-6a2db8ef-fa2f-41c6-8576-e470b2e525f4)
    - [Gofyniad 3.3.1](#heading-gofyniad-331-ac2add02-f412-4c08-9fc5-e29917ff654b)
    - [Gofyniad 3.3.2](#heading-gofyniad-332-1b7d1451-d2c3-4d13-badd-452c103dc55e)
    - [Gofyniad 3.3.3](#heading-gofyniad-333-212e8c07-d334-459e-9709-781e91f7d18f)

## Strwythur

Mae tair adran i Safon yr Achrediad Gwasanaethau Archifau:

1. Iechyd Sefydliadol
2. Casgliadau
3. Mynediad ac Ymgysylltiad

Caiff y gofynion eu gosod yn y grwpiau a ganlyn:

* Polisïau – maent yn disgrifio cyfeiriad a bwriadau cyffredinol sefydliad yn unol â’r hyn a fynegir yn ffurfiol gan yr uwch-reolwyr.
* Cynlluniau – mae’r rhain yn ddogfennau sy’n edrych at y dyfodol gan osod allan amcanion y sefydliad a nodi’r camau gweithredu y mae angen eu cymryd i gyflawni’r amcanion hynny, yn unol â pholisïau’r sefydliad ac er mwyn cyflawni ei genhadaeth.
* Gweithdrefnau – mae’r rhain yn disgrifio ffordd benodol o gynnal gweithgarwch neu broses (cyfres o weithgareddau sy’n rhyngberthyn neu’n rhyngweithio), er mwyn cyflawni allbwn neu ganlyniad penodol. Gellir dogfennu gweithdrefnau ar ffurf canllawiau gweithredol, cyfarwyddiaduron, llawlyfrau, cyfarwyddiadau, siartiau llif ayb.

## Adran 1: Iechyd Sefydliadol

### 1.1 Cenhadaeth a Gwerthoedd

#### Gofyniad 1.1

Caiff y gwasanaeth archifau ei lywio gan ddatganiad cenhadaeth sy’n diffinio ei
bwrpas yng nghyswllt ei gasgliadau, ac sy’n cysylltu dogfen lywodraethu’r
sefydliad â pholisïau a chynlluniau priodol y gwasanaeth archifau. Mae’r ffordd
mae’r gwasanaeth archifau’n gweithredu yn adlewyrchu ei werthoedd sefydliadol ac
yn cymryd camau rhagweithiol i sicrhau cydraddoldeb, amrywiaeth a chynwysoldeb.

#### Canlyniad

Caiff pwrpas y gwasanaeth archifau ei gyfathrebu’n glir i’r rhanddeiliaid i gyd,
a’i ddeall ganddynt, ac mae’n llyw cadarn i weithgarwch y gwasanaeth a’i broses
o lunio penderfyniadau. Mae strwythurau priodol ar waith yn y gwasanaeth
archifau i werthuso pa mor effeithiol yw wrth weithredu arferion cynhwysol ar
draws ei swyddogaethau o ran casgliadau a mynediad.

### 1.2 Strwythurau Llywodraethu a Rheoli

#### Gofyniad 1.2

Mae perthynas y gwasanaeth archifau â’i riant-sefydliad (neu sefydliadau) yn
glir ac yn gadarn o safbwynt cyfreithiol. Mae’r uwch-reolwyr yn cydnabod yn
ffurfiol bwrpas y gwasanaeth archifau ac yn ei gefnogi; mae’r llinellau awdurdod
a’r cyfrifoldebau dros wneud penderfyniadau rhwng y corff llywodraethu a
rheolwyr y gwasanaeth yn dryloyw ac yn effeithiol.

#### Canlyniad

Mae’r gwasanaeth archifau yn meddu ar strwythurau llywodraethu a rheoli priodol,
er mwyn sicrhau casglu, cadwedigaeth a mynediad at y casgliadau yn y tymor hir.

### 1.3 Blaengynllunio

#### Gofyniad 1.3

Mae gan y gwasanaeth archifau flaengynlluniau a phrosesau cynllunio effeithiol
sy’n dangos dealltwriaeth dda o’r cyd-destun sefydliadol a’r cyd destun ehangach
y mae’r gwasanaeth yn gweithredu ynddo, ac yn ymateb yn briodol.

#### Canlyniad

Mae’r gwasanaeth archifau yn cynllunio’n effeithiol er mwyn bod yn gynaliadwy yn
y tymor hir, gan ddefnyddio’r adnoddau sydd ar gael yn y ffordd fwyaf effeithiol
i sicrhau ei fod yn parhau i fod yn hyblyg, yn gynhwysol, yn berthnasol ac yn
wydn mewn amgylchedd sy’n newid yn fewnol ac yn allanol.

### 1.4 Adnoddau: Lle a storfeydd

#### Gofyniad 1.4

Ceir amodau deiliadaeth ysgrifenedig ffurfiol ar gyfer pob adeilad a safle sy’n
cynnwys archifau a gwasanaethau archifau, yn analog ac yn ddigidol. Mae’r
trefniadau’n ddigonol i gadw’r casgliadau eu hunain yn ddiogel ac yn rhwydd mynd
atynt. Mae’r trefniadau hefyd yn caniatáu ar gyfer cynllunio effeithiol i’r
dyfodol.

#### Canlyniad

Rhoddir cartref mewn ffordd gyfrifol i’r gwasanaethau archifau ac i’r
casgliadau. Caiff y risgiau sy’n gysylltiedig â rhoi cartref i archifau a
gwasanaethau archifau eu cydnabod a’u rheoli’n weithredol drwy brosesau
cynllunio priodol gan sicrhau fod y casgliadau’n cael eu diogelu yn y tymor hir.

### 1.5 Adnoddau: cyllid

#### Gofyniad 1.5

Gall y gwasanaeth archifau ddangos sefydlogrwydd ariannol. Mae arian digonol
wedi’i ddynodi i alluogi’r gwasanaeth archifau i gyflawni’r blaengynlluniau mae
wedi’u datgan.

#### Canlyniad

Mae rheolwyr y gwasanaethau archifau yn cyfrannu’n briodol at brosesau
perthnasol pennu a rheoli cyllideb a gallant gynllunio i wella gwasanaeth ar
sail hirdymor, gan sicrhau y gwneir y defnydd gorau posibl o’r adnoddau sydd ar
gael.

### 1.6 Adnoddau: gweithlu

#### Gofyniad 1.6

Mae gan y gwasanaeth archifau weithlu cynhwysol sy’n briodol o ran profiad a
niferoedd i ymgymryd â chyfrifoldebau a chynlluniau’r gwasanaeth. Mae
gweithdrefnau cyflogaeth a pholisïau gwirfoddoli ar waith i gefnogi perfformiad
proffesiynol cymwys a lles, a’r broses o ddatblygu’r gweithlu yn barhaus.

#### Canlyniad

Caiff gwasanaethau archifau eu darparu yn unol â’r safonau proffesiynol a fynnir
gan rwymedigaethau cyfreithiol y corff a dyheadau ei flaengynlluniau. Mae’r
gweithlu’n glir ynghylch ei rolau a’i gyfrifoldebau a chaiff ei gefnogi i ennill
y sgiliau cywir ac i fanteisio ar y cyngor arbenigol cywir i fodloni anghenion
cyflawni’r gwasanaeth.

## Adran 2: Casgliadau

### 2.1 Rheoli Casgliadau

#### Gofyniad 2.1

Mae gan y gwasanaeth archifau ddulliau cydgysylltiedig o reoli casgliadau, sy’n
cael eu tywys gan bolisïau, cynlluniau a gweithdrefnau cydlynol. Dylai’r
polisïau gynnwys deunyddiau analog a digidol, pan yn berthnasol, a chael eu
cymeradwyo gan yr uwch-reolwyr, neu awdurdod dirprwyedig priodol.

#### Canlyniad

Mae gweithgareddau rheoli casgliadau’r gwasanaeth archifau wedi’u cysylltu mewn
ffordd gyfannol ar lefel polisi ac mae cyswllt clir rhyngddynt a datganiad
cenhadaeth y gwasanaeth archifau. Mae polisïau integredig yn arwain at lai o
ddyblygu ymdrechion ac yn gwneud y defnydd gorau posibl o’r adnoddau sydd ar
gael.

### 2.2 Datblygu Casgliadau

#### Gofyniad 2.2

Mae gan y gwasanaeth archifau ddulliau cydgysylltiedig o ddatblygu casgliadau,
sy’n cael eu tywys gan bolisïau, cynlluniau a gweithdrefnau cydlynol. Dylai’r
dull gweithredu hwn gynnwys deunyddiau analog a digidol, pan yn berthnasol, a
chael eu cymeradwyo gan yr uwch-reolwyr, neu awdurdod dirprwyedig priodol.

#### Canlyniad

Mae gweithgareddau datblygu casgliadau (caffael, gwerthuso a gwerthu) y
gwasanaeth archifau wedi’u cysylltu mewn ffordd gyfannol ac mewn ffordd glir â
datganiad cenhadaeth y sefydliad. Mae polisïau integredig yn arwain at lai o
ddyblygu ymdrechion ac yn gwneud y defnydd gorau posibl o’r adnoddau sydd ar
gael.

#### Gofyniad 2.2.1

Mae gan y gwasanaeth archifau bolisi clir ynghylch datblygu casgliadau, sy’n
cwmpasu caffael croniadau goddefol a rhagweithiol, gwerthuso a gwerthu
deunyddiau.

#### Gofyniad 2.2.2

Gall y gwasanaeth archifau ddarparu cynllun sy’n nodi manylion y camau sy’n cael
eu cymryd i werthuso a rhesymoli’r daliadau presennol ac i adnabod bylchau a
blaenoriaethau ar gyfer casgliadau’r dyfodol, yn unol â’i bolisi ynghylch
datblygu casgliadau.

### 2.3 Gwybodaeth am Gasgliadau

#### Gofyniad 2.3

Mae gan y gwasanaeth archifau ddulliau cydgysylltiedig, sydd wedi’u dogfennu, o
weithredu gweithgareddau gwybodaeth am gasgliadau, sy’n cael eu tywys gan
bolisïau, cynlluniau a gweithdrefnau cydlynol. Dylai’r dull gweithredu hwn
gynnwys y deunyddiau analog a digidol, pan yn berthnasol, a chael cymeradwyaeth
yr uwch-reolwyr, neu awdurdod dirprwyedig priodol.

#### Canlyniad

Mae gweithgareddau gwybodaeth am gasgliadau (derbyn, catalogio a materion
etifeddiaeth) y gwasanaeth archifau wedi’u cysylltu mewn ffordd gyfannol ac mewn
ffordd glir â datganiad cenhadaeth y sefydliad. Mae polisïau integredig yn
arwain at lai o ddyblygu ymdrechion ac yn gwneud y defnydd gorau posibl o’r
adnoddau sydd ar gael.

#### Gofyniad 2.3.1

Mae gan y gwasanaeth archifau bolisi ar wybodaeth am gasgliadau, sy’n nodi’n
benodol sut y caiff y wybodaeth am gasgliadau ei chofnodi a’i chyfoethogi a’r
safonau a’r gweithdrefnau y mae’n rhaid eu defnyddio.

#### Gofyniad 2.3.2

Gall y gwasanaeth archifau ddarparu cynllun sy’n nodi’n benodol y camau a gaiff
eu cymryd i wella neu edrych eto ar gofnodion catalog cyfredol ac i fynd i’r
afael â gwaith catalogio sydd wedi cronni, yn unol â’i bolisi ar wybodaeth am
gasgliadau.

#### Gofyniad 2.3.3

Mae gweithdrefnau clir, sydd wedi’u dogfennu, ar waith ar gyfer prosesau
gwybodaeth am gasgliadau craidd, ac mae’r rheiny’n ddealledig gan y gweithlu
perthnasol ac yn cael eu defnyddio ganddynt.

### 2.4 Gofal a Chadwraeth Casgliadau

#### Gofyniad 2.4

Mae gan y gwasanaeth archifau ddulliau cydgysylltiedig, sydd wedi’u dogfennu, o
weithredu gweithgareddau gofal a chadwraeth y casgliadau sy’n cael eu tywys gan
bolisïau, cynlluniau a gweithdrefnau cydlynol. Dylai’r dull gweithredu hwn
gynnwys y deunyddiau analog a digidol, pan yn berthnasol, a chael cymeradwyaeth
yr uwch-reolwyr, neu awdurdod dirprwyedig priodol.

#### Canlyniad

Mae gweithgareddau gofal a chadwraeth casgliadau (rheoli adeiladau a chadwraeth
adferol ac ataliol) y gwasanaeth archifau wedi’u cysylltu mewn ffordd gyfannol
ac mewn ffordd glir â datganiad cenhadaeth y sefydliad. Mae polisïau integredig
yn arwain at lai o ddyblygu ymdrechion ac yn gwneud y defnydd gorau posibl o’r
adnoddau sydd ar gael.

#### Gofyniad 2.4.1

Mae gan y gwasanaeth archifau bolisi ar ofal a chadwraeth casgliadau, sy’n tywys
dull y sefydliad o weithredu cadwraeth ataliol ac adferol, er mwyn sicrhau
gwarchodaeth hirdymor y casgliad a mynediad ato.

#### Gofyniad 2.4.2

Gall y gwasanaeth archifau ddarparu cynllun sy’n nodi manylion y camau a gaiff
eu cymryd i fynd i’r afael â blaenoriaethau cadwraeth ataliol ac adferol, yn
unol â’i bolisi ar ofal a chadwraeth casgliadau.

#### Gofyniad 2.4.4

Mae’r gwasanaeth archifau wedi profi cynllun a gweithdrefnau i baratoi ar gyfer
trychinebau, sy’n ei alluogi i ymateb yn effeithiol i sefyllfaoedd o argyfwng a
sicrhau fod y busnes yn parhau. Mae cynlluniau argyfwng yn berthnasol i bob
adeilad sy’n cynnwys casgliadau a gwasanaethau archifau.

## Adran 3: Mynediad ac Ymgysylltiad

### 3.1 Polisïau Mynediad ac Ymgysylltu

#### Gofyniad 3.1

Mae gan y gwasanaeth archifau bolisi clir ar fynediad ac ymgysylltu, sy’n nodi’n
benodol y ffyrdd y caiff mynediad ei gynnig a sut yr ymgysylltir â chymunedau, a
hynny mewn modd sy’n briodol i ddatganiad cenhadaeth y sefydliad a natur a
graddfa ei gasgliad. Dylai’r polisi gael cymeradwyaeth yr uwch-reolwyr, neu
awdurdod dirprwyedig priodol.

#### Canlyniad

Caiff y gwasanaeth archifau ei lywio gan bolisi cytunedig ar fynediad ac
ymgysylltu, sy’n cyfathrebu’n glir beth yw’r hawliau mynediad at y casgliad a
chynnig y gwasanaeth o safbwynt ymgysylltu. Mae’r polisi yn rhan o’r fframwaith
rheoli casgliadau integredig sy’n galluogi cynllunio effeithiol a defnyddio’r
adnoddau sydd ar gael yn y ffordd orau bosibl.

### 3.2 Cynllunio a Chynlluniau Mynediad ac Ymgysylltu

#### Gofyniad 3.2

Mae’r gwasanaeth archifau yn arddangos dealltwriaeth dda o’i gymunedau. Mae
ganddo gynlluniau ar waith sy’n nodi manylion y camau a gaiff eu cymryd i
ddiwallu anghenion y gymuned a’u gofynion mynediad ac i wella’r gwasanaeth a
ddarperir yn barhaus. Mae’r cynlluniau’n briodol i ddatganiad cenhadaeth y
sefydliad ac i natur a graddfa ei gasgliadau.

#### Canlyniad

Mae gan y gwasanaeth archifau ddull wedi’i gynllunio o ymdrin â mynediad ac
ymgysylltu sy’n seiliedig ar y dystiolaeth o’r angen.

#### Gofyniad 3.2.1

Mae gan y gwasanaeth archifau ddulliau effeithiol ar waith ar gyfer casglu
gwybodaeth am ei gymunedau, er mwyn dadansoddi a gwerthuso eu hanghenion a’u
diddordebau a chynnwys cymunedau nad ydynt yn defnyddio’r gwasanaeth yn
uniongyrchol.

#### Gofyniad 3.2.2

Mae gan y gwasanaeth archifau gynlluniau sydd wedi’u dogfennu i wella’n barhaus
fynediad ac ymgysylltiad mewn ymateb i anghenion a diddordebau dynodedig ei
gymuned. Eir ati’n frwd i weithredu ac adolygu’r cynlluniau.

### 3.3 Gweithgareddau ynghylch Mynediad ac Ymgysylltu

#### Gofyniad 3.3

Mae’r gwasanaeth archifau yn darparu mynediad at ei ddaliadau ac amrywiaeth o
ddulliau i gael mynediad at y casgliadau ac i ymgysylltu â hwy. Mae’n cyfathrebu
gwybodaeth glir ac ymarferol am y cynnig mynediad ac ymgysylltu sydd ganddo ac
yn sicrhau eu bod yn cydymffurfio â’r ddeddfwriaeth berthnasol.

#### Canlyniad

Mae’r gwasanaeth archifau yn cynnig mynediad da i’w gasgliadau a chyfleoedd da i
bobl ymgysylltu â nhw. Rhoddir cymorth i gymunedau gael mynediad at gasgliadau,
ac i ymgysylltu â hwy, mewn modd effeithlon a chyda hyder, cyfrifoldeb a gofal.

#### Gofyniad 3.3.1

Mae amrywiaeth o ddulliau o gael mynediad at y casgliadau ar gael yn ogystal â
chyfleoedd i ymgysylltu â nhw. Mae’r rhain yn briodol i ddatganiad cenhadaeth y
sefydliad a natur a maint ei gasgliadau.

#### Gofyniad 3.3.2

Caiff mynediad priodol ei gynnig at gasgliadau, ar y safle ac oddi arno, a
chaiff gwybodaeth ymarferol ynghylch sut i gael mynediad at y gwasanaeth ei
chyfathrebu’n effeithiol i bawb.

#### Gofyniad 3.3.3

Mae gweithdrefnau effeithiol, sydd wedi’u dogfennu, ar waith ar gyfer rhoi
mynediad i ddefnyddwyr a chaiff y gweithdrefnau hynny eu cyfathrebu’n dda.

## Help us improve this website

[Complete our short survey (opens in new tab)](https://www.smartsurvey.co.uk/s/DN07V0/?area=footer&source=http%3A%2F%2Fwww.nationalarchives.gov.uk%2Fmd%2Fprofessional-guidance-and-services%2Farchive-sector%2Farchive-service-accreditation%2Fymgeisio%2Fachrediad-gwasanaethau-archifau-y-safon%2F)

---

[Back to top](#top)