Catalogue description LORD WYLLUGHBY to KING HENRY IV. OF FRANCE.

--Sire, je ne puis dire combien me rejoussirent vos lettres gratieux et favorables, lesquelles m'honerent a ma maison au pais, saisi d'un si grand maladie que je pensois mourir ; et ce me fust tant plus griefue que je ne povois attendre Monsieur le Visconte de Thurenne por recevoir vos commandements et les tresdesireux novelles de Vostre Majeste, lequel me daigne plus que je puis meriter, estant indigne de la moindre parte des souvenances et grace que vostre Majeste me fait; car ma vie et tous mes fortunes estant desja dedie a vostre service, ne sont rien de vous estre presentes, au regard d'un infinitie de ceulx les plus rares et preux esprits, tant de vos serviteurs comme de tous estrangers, gaignes apres vous avoir cogneu de vous suivre par tout, lesquelles sont devots et noues a bon droit a vos vertus royales (comme le soleil de tous les princes de nostre age). Mais, Sire, en moymesme, estant deprive de tous aultres moyennes, je me retire a dieu, de le louer pour ceste heure comme le plus grand de ma vie quand je suis venu a vostre service, de le prier aussi de me continuer ceste grace d'estre tousjours un de vos soldats, neantmoings que je me confesse le plus indigne ; et que je puis avoir tant de bon heur que de vivre et mourir pour la service de vostre Majeste, lequel il semble avoir leu parmi tous les princes du monde pour le Gedeon de sa cause. Et quand dieu et ma maitresse permetront, je puis sincerement dire que vostre Majesté me trouvera tousjours en toute humilite, obeissance et fidelite entre les plus prests a vous servir quand a la volonte, desirant plustot le signaler que d'en parler. Ou je prie Dieu, Sire, apres vous avoir baise tres humblement les mains, de vous donner une tres heureuse, treslongue et tresvictorieulx vie. Date given in endorsement.