Catalogue description HENRY IV. OF FRANCE to the MARECHAL DE BIRON.

This record is held by Lincolnshire Archives

Details of 8ANC7/13
Reference: 8ANC7/13
Title: HENRY IV. OF FRANCE to the MARECHAL DE BIRON.
Description:

--Mon cousin, Depuis que j'ay commencé de m'approcher de mes ennemis je vous ay mandé jour pour jour ce qui s'est faict, et particulierement les 23 et 24es de ce mois. La 3me journée qui fut le 25 produilt un plus grand effect ; car aiant des le matin faict avancer le baron de Biron avec vingt chevaux, et l'ayant suivy de pres avec vingt aultres, pour reconnoistre ce que feroit l'armée de mesdicts ennemis et depuis aiant faict venir le Sieur de la Boissiere avec sa compagnie et mes chevaux legers, j'attaquay mes ennemis par continuelles escarmouches et les picquay tellement qu'ils assemblerent toute leur armee pour venir droict a moy. J'avois depuis faict venir mon Cousin Monsr. le duc de Longueville et le Sr. de la Nowe avec aultres cent chevaux et cent harquebouziers et fault que je confesse que je me trouvay engagé avec lesdicts trouppes. Mais Dieu me donna le moien de sortir avec une retraitte la plus heureuse, honorable et glorieuse que se puisse dire. Il fauldroit une main de papier pour vous dire tout ce qui se passa en ceste journée. C'est pourquoy je vous envoie ce porteur qui fut tousjours pres de moy pour vous dire toutes les particularitez de ce qui se passa ledict jour. Et par ce que je scay qu'il ne vous peult representer beaucoup de choses grandes qui se sont passées en ceste occasion, je me reserve a vous les dire quand nous serons ensemble ; j'adjoucteray seulement a ce mot de lettre que je ne vouldrois pour beaucoup n'avoir veu ce qui s'est passé en cela, et aussi pour vous dire le contentement que j'ay dudict Sieur Baron qui m'a servi dignement et bravement en ceste occasion. Je parts presentement pour suivre l'armee de mesdicts ennemis laquelle est logée a cinq lieues d'icy. Mon cousin le duc de Nevers, les sieurs de Givry et Parabelle se doivent trouver a neuf heures au randezvous de mon armee ; aiant maintenant plus de forces que je n'ay eu, j'espere aussi entreprendre davantage sur mesdicts ennemis, dont je vous donneray advis. Sur ce je prie Dieu qu'il vous ait, mon Cousin, en sa sainte garde. Escrit à Anisy, le xxvij Nov.

 

Au bas, escrit de la main du Roy :--

 

Encore que vous soiez le pere, vous n'aimez pas tant vostre fils que moy, qui puis dire de luy et de moy: Tel le maistre tel le valet. Contemporaneous copy. [Printed, from a 17th century printed copy, in " Lettres missives de Henri IV."]

 

*I.e., the young Baron, Charles, son of the Marshal.

Date: [1590,] November [17-] 27. Anisy
Held by: Lincolnshire Archives, not available at The National Archives
Language: English
Physical description: ¾ page.

Have you found an error with this catalogue description?

Help with your research